話咁快，四年一度的世界盃賽事於今個星期六凌晨開鑼，一眾波友開始準備捱眼瞓睇波喇！
《蘋果》娛樂體察全港波友的需要，舉辦「最想同邊個女星睇波」選舉，提名32強女星，供網民投票。截至昨日，八組人馬以熟女組代表黎姿及葉璇遙遙領先，黎姿以127票暫居榜首，而葉璇亦不示弱，以115票屈居其後，至於第三名則由口靚妹組的鍾欣桐以71票所得；而個別小組的領先代表分別有玉女組陳慧琳的53票；中基組楊千嬅有52票；發電組官恩娜的29票；星級組容祖兒有28票；甜心組應采兒得26票而姐仔組的鍾嘉欣則獲24票。
有人歡喜有人愁，暫時得票最低的，竟然落在星級組的莫文蔚身上，她至今仍未有票數，不過投票仍然繼續，落後的代表隨時有機會反先，各位網民及波友可以繼續投選心水女星，我們將為你安排與上榜女星陪睇賽事，限額20名。
