由於澳門投資移民門檻較低，吸引唔少內地人藉買樓移民澳門，既然內地市場潛力大，利嘉閣澳門早前就同中國海外，去南海搞投資講座。
利嘉閣聯席董事施清淵話，有近百人出席。由於係同中海一齊搞，除咗講吓澳門樓市同投資移民情況外，梗唔少得要推介吓中海喺澳門嘅新盤寰宇天下，參加者都好有興趣，發問不特止，睇完模型，有啲仲即場買樓㖭。
今次中海到內地推介新盤，反應唔錯，睇嚟澳門發展商可以有樣學樣，去內地搞展銷。中央大力打壓內地樓市，若果啲資金流咗去澳門，樓盤分分鐘可以火速賣清，唔需要做咁多宣傳推廣活動添。
寰宇天下呢個盤，發展商都搞過唔少宣傳，仲吸引到十幾國嘅買家入市㖭。