王家衞執導嘅荷李活電影《MyBlueberryNights》就快喺美國開鏡，呢部戲除咗之前所講嘅祖迪羅（JudeLaw）、妮坦莉寶雯（NataliePortman）同格林美歌手NorahJones主演外，𠵱家又加埋奧斯卡影帝奇雲史帕西（KevinSpacey）同曾提名奧斯卡影帝、主演過《此時．此刻》（TheHours）嘅艾哈里斯（EdHarris）演出，卡士夠勁喇啩！有人講笑話呢部戲係荷李活版《2046》，最閉翳係唔知王家衞大導又要拍幾耐啫！
找尋生命意義
呢部戲搵到咁多大卡士演出，有時真係不得不服王導演嘅魅力。今次佢呢部戲講述一名年輕女子，喺一段橫越美國嘅旅程中，遇到好多唔同嘅人，試圖搵出生命同愛情嘅意義。據聞呢部戲會喺美國幾個大城市取景，現時王家衞已埋首搞劇本，希望暑假可以順利開鏡喇。