名模馬詩慧和琦琦昨日在跑馬地舉行記招，為聯合國兒童基金籌款送予印尼地震受災的兒童，琦琦謂希望周五（9日）舉行的「愛心送印尼」慈善時裝騷，能籌得100萬元。
馬詩慧丈夫王敏德早前被本報拍得跟馬清偉、關之琳和四個靚女夜遊蘭桂坊，馬詩慧昨日為丈夫解畫說：「呢啲事實有啦，我都有同啲男人、男仔食飯，好平常啫！佢成日同William（馬清偉）一齊食雪茄㗎啦！」
不認老虎乸
問到王敏德可有事前通知？馬詩慧說：「佢唔使去邊都通知我，我畀老公自由活動㗎！你哋唔好寫到我係老虎乸咁，我對佢當然信任啦，絕冇懷疑。」問她可會叫丈夫生活檢點些？她說：「佢已經好檢點㗎喇，佢好錫細路，唔會做啲傷害佢哋嘅事。」
採訪、攝影：JessicaNgan