呢幾日真係忙，但唔係工作造成嘅忙，而係好多新車書等我睇咋喎！好似今期《AUTOCAR》，佢哋又係用最新款嘅寶馬Z4MCoupe做封面，入面仲有多達6頁嘅篇幅，似乎佢哋編輯部都幾重視呢部車。講返正題，他們試車嘅地方遍及山路及海邊，等大家可以睇吓靚景之餘，仲可以欣賞一下部車唔同角度嘅雄姿，正！嗰台3.2公升直6偈，所給予駕駛者嘅343匹馬力，還有係Fit到漏油嘅後驅布局，用嚟玩甩尾一定好啱Feel。
Benz鬥LandRover？
嘩！乜玩到咁大呀！搵架平治R320CDi同LandRoverDiscoveryTDV6嚟做比較？2部唔同嘅車嚟㗎喎，點比呀？哈，你唔好理，佢哋又真係做畀你睇！今次嘅比較，又係用最傳統嘅方法，即係外形、車廂及性能表現作比試，但最後都係由DiscoveryTDV6勝出，因為部車個尾箱夠大，兼且乘坐舒適度高喎！
記者：鄭達基