杜汶澤在《2006有線世界盃嘉年華》中，會主持一個名為《澤汶西密碼》的環節，他表示雖然支持強隊巴西，但在節目中則會支持比較弱的球隊，因為他相信世事無絕對。
為世盃推戲
杜汶澤透露為了世界盃，已推掉一齣喜劇，他說：「損失都有七位數字，不過主持呢個節目都補番條數，到時我啲家人都會嚟睇，老婆田蕊妮嚟都係要昅住啲Angels囉，吳君如就因為唔鍾意睇波，所以唔會嚟，而且佢仲要坐多幾個月先嘛。」
此外，杜汶澤透露年底會與彭浩翔合作拍攝新片，女主角則屬意李嘉欣，至於會否邀請好友黎明擔任男主角，杜汶澤說：「唔想因為新聞關係而選角，不過亦都唔係冇可能，最緊要係女主角覺得劇本啱同人選啱就得。」