【本報訊】要年輕一輩服從他人的確難若登天，但在這個選擇繁多的年頭，仍然有人願意放下月入數萬元的專業，放棄唱K、行街、結識異性的機會，披上一身簡樸的修會會衣，矢志下半生服從修會，到底原因何在？
「我讀中學嗰陣已經立志加入商界，鍾意着住西裝、好pro（專業）、好sociable（愛社交）、好醒目仔咁樣。」28歲的蔡俊源，2000年畢業於理工大學會計系，因為想去旅行又懶得計劃行程，所以參加了其中一個修會──方濟會舉辦的朝聖團到羅馬，修道的種子就在此時萌芽。
「要克服慾念」
「我返咗嚟之後，就收到間跨國企業嘅offer（聘約）……我做咗四年，臨走前公司諗住升我職，但我最後都係決定走。」眼前的他，一身方濟會會士的服飾，自言從前至愛名牌，「我以前個女朋友都唔信㗎，話我爛玩又多口，食嘢又印腳，實做唔到神父。」
修道未夠一年，他不能夠再像以往般獨斷獨行，閒暇活動要由一眾會士投票決定，極愛看電影的他自言每次有大片上演都會「囉囉攣」；面對身邊的年輕女子，他也要學習面對，「我提醒自己，性嘅享受唔係toppriority（最優先），要克服慾念，唔好畀身體帶領自己。」
正念大學的李宛兒今年19歲，早前專程到堅道明愛參與聖召展覽及晚會，自幼在教會學校念書的她，希望可以藉修道生活回饋教會，「團體生活係吸引我嘅地方，要服從同神貧都係好大犧牲，對我哋十𡃁歲嘅青年人好唔容易，我覺得自己仲細，可以再睇吓先。」