福士呢鋪真係好事多為，因為佢哋喺最近話趁GolfGTI推出咗30年，特別喺歐洲地區舉行嘅GolfRecordDay中，展示新登場嘅GolfGTIEdition30，想唔搞到班Fans湧住去睇車都幾難。
咁多位GolfGTI「粉絲」聽完呢個News之後，係咪好想知部車係咩料呢？哈，厲害喇！先講講個Look，呢架特別版用嘅係全黑色18吋大胎軨，頭尾泵把加咗整流器之餘，仲要Low低埋，車身兩邊同樣有低到就嚟貼晒地嘅裙腳，似足部小跑車呢。至於打開車門又會見到啲乜？全車座椅係半真皮設計，軚盤亦縫上紅線，不過我覺得最正都係門檻刻有Edition30字樣，同埋好似個高爾夫球嘅波棍的，型到爆！
睇完車身同車廂之後，咁就梗係要打開頭冚睇睇啦；原來EngineRoom入面嗰台2.0公升FSITurbo引擎，馬力由原來嘅200匹加到230匹，以示GolfGTI每度過1個寒暑就多1匹，今年係30年，咁就啱啱好多30匹，問你怕未？哈，部車有齊咁多Options，搞到我都有啲心郁郁㖭。
記者：鄭達基