近年在中港台三地走紅的名模樂基兒，因黎明關係見報率高企。她早前登上時裝雜誌封面，大談藝術與時裝，熱愛摩登復古風的她，更透露英國女影星施安娜米勒（SiennaMiller）是她現時的時尚偶像。
名模樂基兒早前被傳與黎明分手，其後證實二人仍在一起，還結伴日本拍拖。戀情以外，樂基兒忙於做模特兒及重返校園學畫畫，她早前任時裝雜誌《madameFIGARO》中文版封面女郎，穿上多套DiorbyJohnGalliano新裝展示華麗型格一面。
學識集中
訪問中，樂基兒透露正攻讀藝術課程，但仍熱愛做模特兒，她說：「雖然我好鍾意畫畫，但畢竟係長達三年嘅承諾，後來我同自己講唔好理咁多，放手去做啦！學藝術令我學識集中注意力，觀察好多細節，𠵱家我睇服裝，都從美學角度分析，好似顏色、線條等。」
由15歲開始行catwalk的樂基兒續說：「已經11年，我嘅人生目前只做咗呢件事，都係我唯一擅長嘅事，我真係好喜歡做模特兒，唔止可以着靚衫，仲可以假扮各種角色、詮釋唔同主題，又可以識好多新朋友，學到好多嘢，而且做模特兒唔係打發時間咁簡單，係有薪水嘅事業。」
偏愛Hippies
談到時裝，在美國長大的樂基兒透露鍾情行二手店，尤愛70年代高腰鮮艷斑斕的裙子，她說：「我偏愛hippies嘅打扮，好似簡單牛仔褲配流蘇或皮草嘅上衫，再搭配中間分界嘅長髮。施安娜米勒係我嘅時尚偶像，佢嘅mix&match功夫創造一種摩登古風，非常獨一無二。」
撰文：DebbieLum