在「我最想非禮的香港女藝人」選舉榜上有名的多位女藝人，普遍認為有關電台節目主持人只是貪玩，沒有惡意，而且他們已公開道歉，希望事件盡快平息；但有男藝人覺得「非禮」兩字已是「過咗界」，確是有點嚇人。
在該選舉榜上有名的官恩娜昨日說，若事件令人感到不快，應作出道歉，「我覺得森美同小儀個節目一向帶畀人歡樂，佢哋唔係刻意傷害任何人，不過損害到女性尊嚴係唔好，我希望件事盡快平息。」
羅家英：非禮兩個字過咗界
關心妍稱：「識咗森美小儀好耐，佢哋不嬲大情大性，今次其實都係遊戲性質，可能佢哋冇咁在意字眼，所以一個唔小心踩咗少少界，佢哋冇真正得罪我，因為個遊戲都冇開始到，佢唔係有心嘅，加上又唔係真係非禮咗我，而且佢哋已經道咗歉，我覺得應該畀次機會佢哋，下次唔好咯。」
何韻詩表示：「佢兩個（森美與小儀）不嬲都儍嘅，又貪玩，先會搞呢啲選舉出嚟；我唔會嬲，冇乜所謂。」
羅家英說：「我覺得『非禮』兩個字唔係幾好，其實佢開個題目可以話最想娶邊個藝人都得𠺝，『非禮』兩個字真係過咗界。其實今次件事道歉冇所謂，認錯可能仲做到宣傳。」
本報記者