每逢夏天都係苦瓜當造季節，好多人嫌苦瓜味道好苦，不過鍾意食嘅就會明白其實係苦中帶甘，靚苦瓜仲會有少少甜味㖭。不過想苦瓜無咁苦都有啲辦法嘅，就係煮之前先用熱水煲一煲苦瓜，等佢出咗陣苦味，又或者將開邊去瓤後嘅苦瓜用鹽浸一陣，再倒走啲苦汁，就可以辟走大部份苦味。我最鍾意加啲梅子、紫蘇同埋薑一齊燜苦瓜，燜到腍晒入口即化，味道仲唔苦好易入口㖭。
