在港台節目「最想…男人」網上選舉中，劉德華連奪「心目中最想擁抱的男人」、「心目中最嫁得過的男人」和「心目中最有才華的男人」冠軍。華仔昨日親往領獎，但他表示做他的另一半必定辛苦，因為會成為狗仔隊的目標。
港台節目《夏娃瑪利亞》早前舉行「最想…男人」網上投票，選出「心目中最想擁抱的男人」、「心目中最嫁得過的男人」和「心目中最有才華的男人」，最後劉德華打敗型男吳彥祖和王力宏等，獨攬三項選舉冠軍（結果詳見附表）。華仔昨日穿上白西裝到港台領獎，節目主持人楊崢和丘凱敏也盛裝出席。
「生得醜俾人話」
艷福無邊的華仔左擁右抱兩位靚女主持，他說：「我覺得高啲嘅女仔比較好攬，平時都係女仔枕喺男仔嘅肩膊，如果同高嘅女仔擁抱，就可以掉轉啦。」當華仔和楊崢擁抱時，他毫不客氣將頭枕在對方的肩膊。對於被選為最嫁得過的男人，華仔笑說：「想嫁我好容易㗎咋，只要真心愛我就得，但到𠵱家都未搵到。」
問華仔是否真的嫁得過，他笑說：「嫁得過，值得，我生活穩定，身體健康。」那是否有心有力？他說：「正常一個40歲男人嘅心同力囉，身心都好健康，同埋我會盡力去保護我嘅屋企人。不過邊個女人嫁我都會辛苦，因為咁多狗仔隊跟我，生得醜啲都俾人話，又唔可以肥，不過辛苦都值得，因為我真係會盡力保護屋企。」
陳玉蓮最好攬
擁抱過無數女星的華仔坦言最好攬是陳玉蓮，因為擁抱時，他感到蓮妹真的當他是男友，有二合為一的感覺，而新一代的女星，他最想擁抱林嘉欣。對於商台DJ森美和小儀早前因舉辦「我最想非禮的女藝人」選舉而惹起婦女團體不滿，華仔說：「佢哋道咗歉就原諒佢哋啦，森美小儀都係細路仔，下次小心啲啦。」
而華仔曾拜師學變臉，昨日有指此絕技秘密外洩，華仔說：「我都贊成唔應該公開呢個絕技，知道咗就冇意思，學嘅人應該要知道。」
採訪、攝影：胡比
