煲呔有冇去民主歌聲獻中華𠵱家成為羅生門，其實使乜咁大件事要第一時間劃清界線？當年過百萬香港人都有上街，即係六個有一個去咗，當中梗係有高官，有平民，土共都唔少。怕且煲呔身邊兩位紅人何安達同劉細良都分分鐘有去，而陳羿就細啲，當年只有十七歲，唔知有冇跟同學仔一齊去吓湊熱鬧。八方當年人在北京，反而有不在場證據。
講開參加呢類型活動，如果煲呔去過唔使死，仲可以做特首，咁練乙錚當年就唔抵啦，佢只不過喺03年頂唔順老董，坐咗喺遮打道一陣（圖），佳叔佢哋就迫佢第一時間離開中央政策組，冇得留低。
所以話呢個世界永遠係大細超，蝦得就蝦，件事情到最後如果發展至華叔證據確鑿煲呔有去過，咁中策組應該為練乙錚平反，第一時間請番佢去CPU做嘢。
傳真︰2623-9278
電郵︰[email protected]