九巴最年輕女董事最近做咗煲呔嘅哈佛校友，八方接到好友轉告，Winnie伍穎梅今個月八號就會喺美國哈佛出席畢業禮，領取公共行政碩士學位證書，八方即刻向佢道賀，原來佢讀嘅課程同煲呔當年讀嘅係一樣，不過佢寫嘅論文就係同香港公共交通有關。
佢話個課程令佢學識要從唔同方面去睇公共交通，例如乘客、傳媒、政府，唔單止係自己公司點睇問題咁簡單。
佢仲話讀得好辛苦，因為佢唔係放低晒九巴啲工作，舊年好多時間要留喺學校上堂，又要經常兩頭飛，每程飛機要成20個鐘，所以畢業係佢好開心嘅事。
聽日佢就會飛去出席畢業禮，校方只係畀咗兩張親友入場券，陪佢去嘅一個係佢弟弟，另一張票就畀咗一名神秘男士，佢點都唔肯透露男士身份，睇嚟伍董事好快好事成雙啦。
傳真︰2623-9278
電郵︰[email protected]