【順德直擊】郭富城前晚在順德開始內地巡迴演唱會，他出盡法寶落力冧歌迷，自摸下體又危坐高台吹色士風，又唱又跳汗水滴濕下體也在所不計，讓歌迷歡呼狂叫，更吸引百多人危險攀爬場館外建築地盤看免費騷。
郭富城之前在港舉行的演唱會十分成功，前晚他將個唱搬到順德演出，在順德體育館舉行一場《郭富城舞台寶典@飛越中國舞林演唱會2006》，吸引10,400觀眾入場，還有百多人攀爬場館旁的建築地盤看免費騷，頗為危險。
前日順德一直落雨，誰知城城開騷前雨即停，他出場先邊跳邊唱《對你愛不完》，還自摸下體一分鐘，讓歌迷尖叫狂呼，後來四名歌迷上台鬥跳舞，城城似對一名四眼女歌迷特別有好感，主動為她拿下眼鏡，又細心教她跳舞，結果該歌迷順利勝出，城城也玩得十分盡興，滿身大汗更滴濕重要部位。
跪地求停雨
城城的舞台製作也花盡心思，其中一個升空吊椅王座，把城城升高四十呎，他就在沒有特別加上安全措施的座位上吹色士風及獻唱。事後城城表示幸好天公造美，他說：「我綵排時一直落雨，自己就跪喺台上求個天唔好再落雨，個騷係中國巡迴嘅第一站，我想留個美好印象畀觀眾。」
買車當集郵
早前有傳城城以半億酬勞，由華納唱片過檔大國文化，他說：「錢唔重要，最重要係發展，其實好多細節未傾實，佢哋令我最心動係有舞台劇，我好想做。有冇半億係睇你勤唔勤力，勤力嘅話唔止㖭。」至於有指他為此以1,200萬連買三部名車慶祝，城城說：「都唔係一口氣買，有一部係上年買嘅，我𠵱家有十架車，買車可以保值，等於人哋集郵。」
採訪、攝影：曾小嘉
