方力申（Alex）、楊愛瑾與吳日言昨日組成明星隊，賽前三人聲明不懂踢波，但在Alex瞓身出賽下，以15比10勝出。以往身為香港游泳代表隊的Alex，每次踢波教練都警告隊友要錫住他，免得被整傷，但自他離隊，Alex笑言已沒有優待，要埋身肉搏。
世界盃熱潮逐漸逼近，方力申、楊愛瑾（Miki）與吳日言（Yan）昨日出席青衣城舉行「TouchT-FutsalBattle」草地足球賽，三人聯同唱片公司同事組成明星隊，對壘EricSo、MC仁及好友的球隊。
二女動作遲緩
賽前Alex三人聲明不懂踢波，阿Yan與Miki更誤以為只是擔任開球禮嘉賓，未知要落場踢波。眼見兩位靚女隊友動作遲緩，Alex面對敵人頻頻進攻，惟有攻守兼備，不時瞓身救波，埋身肉搏，最終他大顯帽子戲法射入三球，阿Yan射入一球，最終爆冷以15比10捧盃奪冠。
Miki貪靚少運動
Alex以往身為香港代表隊，每次球賽都份外錫身，但入行後與同事打波因未習慣埋身打法，曾經試過受傷撞瘀。
Miki直言讀書時擔心跣親、篤親手指及怕毀容，所以未敢參與各類運動，而阿Yan則自言睇波只懂睇靚仔球星，眼見小朋友亦熱衷落場比賽，她笑言要物色老公，快快結婚生仔，趕及下屆世界盃與仔仔踢波睇比賽。
對於商台選舉「我最想非禮的香港女藝人」，三人均認為可能字眼太敏感，但相信他們不是鼓吹風化意識及偏低女性含意。
採訪、攝影：馬建華
