「巴士阿叔」辱罵四眼仔的片段成為全港市民茶餘飯後話題，被指聲線與巴士阿叔似到十足的林尚義（阿叔），昨日與林敏驄為無綫拍攝世界盃宣傳片，重演一幕阿叔鬧四眼仔，阿叔手指指說：「你有壓力，我冇壓力，有壓力點講波呀？」令到人人笑破肚皮。
近日在網上流傳的巴士阿叔辱罵四眼仔的片段成為全城熱話，被指聲線與巴士阿叔似到十足的林尚義（阿叔）將為無綫擔任世界盃主持，之後便會退休，一向善用資源的無綫自然不會錯過這個大好宣傳機會。無綫昨日安排林尚義和林敏驄重演一幕巴士阿叔辱罵四眼仔的片段，作為世界盃宣傳短片，噱頭十足。
阿叔入戲
林敏驄笑到失控
林尚義與林敏驄昨日身穿球衣，在巴士上層拍攝。林尚義指着戴上眼鏡扮演四眼仔的林敏驄怒喝：「你有壓力，我冇壓力，有壓力點講波呀？」之後林尚義又伸手對林敏驄說：「揸吓手，未解決。」林尚義憑着一把與巴士阿叔極似的聲線，引得車上的工作人員哄堂大笑，一輪大罵之後連他亦忍不住失笑。向來是搞笑能手的林敏驄更加笑到幾乎噴口水，大讚林尚義扮演的巴士阿叔形神俱似，林尚義其後更笑言要向城巴收取廣告費。
林尚義昨日全程巴士阿叔上身，巴士阿叔的罵人金句更是常掛嘴邊，同樣有份拍攝宣傳短片的主持伍晃榮見阿叔呆坐一旁就問：「個儍佬坐喺度做乜？」林尚義就即時回對方一句：「未解決呀。」
主動掠水
「畀番一皮嘢我」
另外無綫昨日在將軍澳電視廣播城錄影節目《頂CUP世界盃越鬥越強》，並即場選出兩位林尚義接班人，其間主持人袁彩雲即問林尚義有沒有壓力，林尚義說：「好大壓力呀。」林敏驄又插嘴：「未解決，未解決。」令巴士阿叔金句傳遍錄影廠。
巴士阿叔近日因網上片段而聲名大噪，日前還覓得工作，林尚義表示事件終於水落石出，他說：「恭喜佢，𠵱家咪幾好，唔使攞綜援生活。但好多網友俾條黐線佬誤導，佢都有目的嘅，今次搵唔少錢呀。唔止份工咁簡單，接受傳媒訪問掠水，我見到有篇報道寫訪問酬勞十萬，你哋都畀番一皮嘢我。香港地乜人都有，一笑置之啦。」
心悅誠服
「覺得佢儍唔晒」
巴士阿叔又聲稱會再選特首，林尚義聞言說：「祝佢成功，佢做咗特首香港就唔知變成點。」林尚義還說：「最好笑係揭發咗巴士單嘢之後條友又話俾女友飛，但咁快又有新女友，真本事，佩服佢。」問他是否覺得巴士阿叔的聲線似自己？林尚義說：「我有朋友send咗呢段短片畀我睇，個個把聲入咪都係咁上下啦。我睇完唔覺得驚奇，嗰個唔係我，係一個儍佬啫，不過𠵱家就覺得佢儍唔晒。」
伍晃榮就表示前日才有機會看該短片，不過他認為對方的聲線並不似林尚義，他說：「我之前唔喺香港，所以唔知有呢段短片，把聲邊似阿叔呀，不過有啲講嘢嘅口脗都幾似。平時如果喺巴士見到啲人大聲講嘢，我多數會選擇唔出聲。」
採訪、攝影：藍文浩、娛樂突發組
