何超瓊、何明懿和黃錦燊趙雅芝夫婦等，前晚在中環出席保護兒童會慈善晚宴。衣着性感的何超瓊透露賭王父親何鴻燊為與十姑娘的官司，近日頻撲上庭，十分煩躁。
香港保護兒童會前晚在中環四季酒店舉行80周年慈善晚會，選以「Fire&Ices」為主題，名流來賓配合冰火主題，大部份都穿上白色或火紅晚裝赴會。
父親節送呔實用
賭王何鴻燊千金何超瓊以Missoni晚裝性感亮相，她指今年父親節會送領呔給賭王做禮物，超瓊說：「每年都送呔，簡單得嚟又用得到。」提到近期十姑娘何婉琪與賭王的官司，超瓊透露父親為上庭事心情受影響，她說：「一時時啦，唔多唔少都會有，尤其近期要上庭又頻撲，都多咗煩躁。」
問超瓊對官司可有信心？她說：「我一路以來所做嘅事都係合法，事實就係事實，唔使信心。」提到何家與十姑娘決裂，親戚上頭難免有機會碰頭，超瓊聽罷即發𤷪𤺧說：「唔係咁解囉，冇必要都唔會去接洽佢哋，我哋好耐冇見，冇聯絡。」
超瓊又重申對十姑娘經常見報爆家事大表不滿，她說：「我講過啦，我認為屋企嘢唔應該喺傳媒度公開披露。」
趙雅芝過足戲癮
此外，四十多歲的趙雅芝穿上純白tubedress，身材標準，她透露九月將返內地拍攝古裝劇，她說：「女人一定要有嘢做先keep到fit，我每年會拍兩、三個廣告，拍吓劇過吓戲癮咁。同埋我每朝都做30分鐘柔軟體操，對拍武打戲都有幫助。」
採訪：JessicaNgan
攝影：EdwardChou
