富商趙世曾同前女星姚瑋所生嘅女趙式芝，最近俾人影到佢同香港嘅波爾錶代理嘅TB太子女楊如芯（Sean）一齊拖手蒲蘭桂坊。前晚趙式芝又同女伴一齊夜蒲蘭桂坊，但就唔係阿Sean，而係其他男性化打扮嘅女友人。
唔知係咪因為正印唔喺身邊，趙式芝同其他女伴一齊時表現得更加放，馮仁昭見到佢喺蘭桂坊嘅Sen'sBar，同兩位好man嘅女子一齊，佢位男性打扮嘅女友人坐埋嚟，趙式芝一邊煲煙，一邊同朋友傾偈，講到興起時，兩個人仲係咁笑，又不時搭吓坐喺佢身旁位同性朋友嘅膊頭。
「朋友關係」
馮仁昭噚日打過電話畀趙式芝，問佢同呢個女性友人係乜關係？佢話：「佢係Sen'sBar老闆之一，大家係朋友關係，𠵱家我都冇男友，冇拖拍。」