高層攞「低薪」似乎成為美國加州矽谷潮流。全球互聯網媒體業「一哥」美國雅虎（Yahoo!）行政總裁塞姆爾（TerrySemel）嘅年薪，大幅調低至1美元（約7.8港元），同主要對手Google老總嘅薪酬看齊。不過，塞姆爾將獲得900萬股認股權做補償，報酬同公司表現掛鈎。
Semel同雅虎簽嘅新合約，截至08年底嘅3年，佢嘅年薪係1美元，但每年可獲最多100萬股認股權作為花紅。
另外，佢仲獲發600萬股認股權，行使價為上月13日收市價31.59美元，有效期7年。
減人工成風
過去3年，Semel年薪有60萬美元，今次大幅減薪，喺矽谷並非罕見。
自04年起，Google創辦人佩奇（LarryPage）和布林（SergeyBrin），以及行政總裁施密特（EricSchmidt），年薪亦係1美元，佢哋主要收入係認股權，反映矽谷公司傾向將薪酬與公司表現掛鈎，唔知會唔會慳啲稅呢？