家陣10個有9個半年輕人都話要去買部「老綿」，再加埋一啲自己鍾意嘅裝飾響上面，咁樣揸佢出街就叫型；之但係，計我話買PIAGGIOMP3呢部咁搞鬼嘅3輪電單車，齋睇佢用咗前二後一的輪胎鋪排，已經贏晒嗰啲所謂嘅改裝「老綿」9條街啦！
原來掟彎會定啲
不過我要話你聽，PIAGGIOMP3之所以用3輪設計，賣點不僅是想惹來Fans垂青話佢型，最重要反而係Sell行車時會安全啲喎！點解？咪就係因為部車用了前二後一的輪胎編排，藉此可令車子在日常行車或轉向時，都可以比傳統電單車來得更平穩和紮實，而合共3隻的240mm煞車碟，更可將煞車距離大幅減低20%，夠安全呢？至於引擎，則是1台244c.c.四衝程引擎，馬力22.5匹，要用它來快走或慢行真的有何難！它同時設有泊車手掣，連落腳架個Step都可以慳番！
賣相型到極
或者你會話，PIAGGIOMP3個Look睇落跟普通的電單車差唔多，但係換咗做3輪設計之後，又唔同講法喎，淨係佢用呢個Design已經贏晒啦！另外，座位下仲有多達65公升嘅載物空間，用嚟擺頭盔又或者貴重物品就Fit晒！
記者：鄭達基
