肥彭𠵱家唔撈政治，轉咗行做爬格子動物，不過，佢啲寶貴經驗仲好有價值，最近佢出席咗由英國《衞報》主辦，名為HayFestival嘅文化節日，講吓國際政治，順便推銷吓本書，每位入場收10鎊，然後仲喺《衞報》嘅星期日版《觀察家報》寫文，講番佢過去一個星期嘅精采日子。
咁又的確好開心，退咗休，四周圍去玩，享受美食。肥彭上星期同家人及朋友去咗意大利旅行，一邊欣賞美景，同時又食盡地道食品，快活過神仙，佢話，見到意大利人我行我素，生活優游，對羅馬政治全冇興趣，作為過氣政客，佢都唔知講乜好。
當然肥彭不忘踩工黨一腳，話公眾開始對保守黨信心增強，佢哋選咗個三十九歲嘅卡梅敦Cameron做黨魁，又的確夠晒後生可畏。
傳真︰2623-9278
電郵︰[email protected]