今朝食咩早餐呢？火腿煎蛋抑或白粥油炸鬼？唔好喇啩！晨咁早已經咁悶，點撐落去呀？呢班港男晨早5點幾煮早餐，不過係非一般嗰隻，佢哋為咗創新，經過內部一輪比賽，篩選後揀咗幾味特別菜式，由師傅駐場新鮮炮製，日日唔同。食到一份咁有Heart嘅創意早餐，人都精神啲啦！
記者：曾靜茵 攝影：伍慶泉
大廚自創 包唔會悶
除非去旅行，如果唔係都好少會去酒店食早餐buffet，不過近日CafeMarco的自助早餐，就特別為早餐搞咗個內部比賽，以蛋做主題，讓一班酒店內的年輕廚師任意發揮，最後嚴選出幾款特別的菜式，每日一款輪流供應。而且早餐選擇亦特別多，單是麵包經已有10幾款揀，如丹麥條、窩夫、牛角包等，最簡單的穀麥片亦有6款之多，還可自行加入香蕉片、果仁、乳酪等配料，每款口感不同，咬落脆卜卜。
煙三文魚水泡包
陳師傅以法式的水泡包做底並烘至脆身，再放上炒蛋及煙三文魚片，並加上忌廉芝士，令炒蛋入口更嫩滑，味道更香濃。
野菌燉蛋
江師傅將野菌切片炒熟後，再打入雞蛋放入焗爐烘焗至金黃，食落香脆內裏嫩滑，加埋野菌更惹味。
西班牙辣腸煎蛋餅
傳統的西班牙辣腸煎蛋辣味較強，師傅減少了辣腸份量，將薯仔切粒，令口感豐富，凍食熱食都咁啱。
意式班尼迪蛋
一般的班尼迪蛋以英式鬆餅炮製，吳師傅則改以乾茄包做底，加入香草、水欖及蘑菇，味道清新，切開時蛋黃輕輕流出，配上乾茄荷蘭汁，充滿意式風味。
康哥搵囡囡試新菜
鄺榮康師傅，82年入行至今經已24年，現任馬哥孛羅助理總廚。
問到點解成日都諗到新菜式，康哥話佢用屋企人做實驗品！
每逢假期，佢必定一早買好晒材料，預備當日整晚餐。好多時康哥亦會趁呢一日，去試驗佢自創嘅新菜式，佢太太同囡囡自然要成為白老鼠。好似近日炮製咗一道叫魷魚筒飯，用中式上湯嚟煮唔同種類嘅米，包括野米、紅米、糙米及意大利米等，再加入洋葱釀入魷魚筒中，最後以西式嘅汁埋芡。囡囡試過之後大叫好味先敢返酒店與同事研究改良，新菜亦從此誕生。
CafeMarco（21133912）
地址：尖沙嘴海港城馬哥孛羅香港酒店1樓
價錢：成人$165、小童$145
供應時間：6:30am至11am
墨西哥早餐份量勁多
想試墨西哥早餐？唔使一早起身都可以試得到，因為Agave特意推出假日地道墨西哥早餐，每逢周末、日供應。由於傳統的墨西哥早餐份量相當於午餐，所以餐廳便特意於午巿供應，讓客人可度過一個悠閒的周末。
千層粟米餅夾雞肉鮮忌廉芝士辣茄醬$48
每層粟米餅中加有雞肉、香辣番茄醬及忌廉芝士，再放入焗爐中焗，味道香濃，口感比闊條麵更煙韌。
烚蛋辣雞湯配番茄洋葱 $48
墨西哥人愛用水煮蛋配湯做早餐，湯中加入了墨西哥辣椒，味道很清香，入口帶有微辣，再配以特製的粟米餅一同食用，夠晒傳統。
AgaveTequilaYComida
（28663228）
地址：灣仔駱克道93號利臨大廈地下
供應時間：星期六、日及公眾假期12pm至3pm
PowerBreakfast 流行一族
想試吓行政人員食咩早餐，可以到呢度試吓最新嘅PowerBreakfast。PowerBreakfast即係早餐滙報，無論香港或外國亦非常流行。除了當中的早餐份量非常豐富之外，Madison's內還設有無線上網服務，你只需一機在手，隨時隨地都可以緊貼股巿，上網查資料等。
煎蛋伴中東包配羊架及焗豆 $108
朝早都可以歎番塊羊架，以橄欖油煎成金黃色的澳洲羊架，再配以中東包，絕對是大食一族之選。
醒神早餐 $128
老闆推介，有煙肉、豬肉腸、焗豆、蘑菇及扒番茄等，大大份夠飽肚。
Madison'sRestaurant&Bar（25234772）
地址：中環和記大廈地下
供應時間：星期一至五7am至11am
