有無搞錯!1978年雪佛蘭變身蝙蝠車

有無搞錯!1978年雪佛蘭變身蝙蝠車

美國人好鍾意蝙蝠俠,特別係蝙蝠車,好多人都想擁有一部;所以有人就嘗試用部1978年嘅老爺雪佛蘭改裝,出嚟效果好好,有八成似㗎!特別係車頭噴射引擎,就係抄足電影中嘅蝙蝠車,車身包圍係由高密度聚乙稀膠、玻璃纖維同彈性物料所造。老翻蝙蝠車車廂都好好笑,車門有個閃燈密碼系統,據知係無用嘅,而中控台又有大大個紅色、綠色發光按鈕,都係無用嘅。雖然係扮嘢,但係一出街就好矚目,贏晒!

記者:伍旋卓

■中控台兩個大按鈕有瞄準射擊圖案,但只係裝飾品。

■車門有個好神秘嘅系統,但無用㗎,得個睇字。