支聯會嘅「毋忘六四」長跑上斜落斜幾咁甘，都有成三十幾個人參加。負責計時嘅哥哥同八方講，原來當中只有十幾個係會跑足全程，其他只係跑啲唔跑啲，精神上支持。首先講吓主禮人華叔，佢主持完開步禮就鬆人，皆因佢要去教會講talk，當然係講六四啦；李卓人就好坦白講自己唔跑得，每個checkpoint都現一現身扮跑，其餘嘅路就用佢架Corolla代步喇；陶君行響政府總部攞完水飲，就離開大隊抄捷徑，跑大路去中聯辦，佢本來想call人睇吓隊友跑到邊，先發現自己冇帶電話，跟手又發現連錢都冇帶！嘩，好彩佢唔係跑荒山野嶺啫，唔係蕩失路就大件事。
傳真︰2623-9278
電郵︰[email protected]