寫碟評唔提碟內任何一首歌得唔得？梗係得！只要製作夠認真、可聽性夠高、音效有番咁上下，基本上已足令樂迷不理曲目、照買可也。這張《TheAbsoluteSound2005》便有齊以上優點；聽住這張CD，令我諗起近幾個月極欣賞的一個深宵電台節目，有位叫余宜發的DJ，每晚所播嘅歌都會圍繞不同主題，事前所花的工夫可想而知。而本碟製作人的理念正正是跟該節目名一樣，「一切從音樂開始」！
《TAS2005》已是同系的第7張出品，此系列在音響界早已被無數發燒友熱捧，除咗音效超班有保證外，打開隨碟附送、厚達34版的彩頁書仔，詳列了碟內17首作品的所有資料，以至英文歌詞的中文譯本，便會被製作人對音樂的熱誠所打動。全數作品無論流行曲、爵士樂或古典音樂均經過嚴謹篩選，動聽程度遠超一般雜錦碟製作。
文：李廸偉（hk.myblog.yahoo.com/reviewcd）