鬼馬新車：RinspeedSenso　探測司機生理狀況

鬼馬新車：RinspeedSenso　探測司機生理狀況

專門推出奇形怪狀改裝車嘅Rinspeed，呢期又有新搞作喎！係咩？咪係今日我要同大家介紹嘅呢部Senso囉！佢嘅賣點唔單止係個Look夠潮，最正都係佢裝有1套探測司機疲累狀況嘅系統，還有以天然氣作燃料，夠環保呢？

MotorEye收集行車資料

在RinspeedSenso的車廂內，特別設有1套先進系統，當中包括有多台感應器去量度駕駛者嘅脈搏，同時又有1套名為MotionEye嘅攝錄機，將駕駛者的行為（例如怎樣切換行車線、行車速到跟與前車距離等）轉成數據收集起嚟，再經1部由HP提供的電腦，計算出司機的生理狀況，又或是否屬於疲倦狀態；接着，同設於車內的4部聲寶LCD屏幕，會根據司機嘅狀態去顯示出橙、黃、藍、紫及綠色，也會播放適當的音樂跟釋放出不同的香味，令司機可進入鬆弛狀態。

■數據收集器會檢查駕駛者的心理狀況。

Recaro椅好坐

Senso車廂內可容納多少位乘客？答案係3位（連司機）！司機被安排坐於前排中央，2位乘客則坐在後方，而座椅更是由Recaro提供，不但好坐，色調配襯也是至Top。至於那個極之科幻嘅造型，也是它的賣點，其中由Makrolon聚碳酸脂和Speedster玻璃嘅頭冚，望落都幾型吖！引擎配搭是甚麼？是1台保時捷BoxsterS移植過來嘅3.2公升水平對向引擎，但卻被改為可以用電油或天燃氣作燃料，馬力輸出強大達至250匹，但廢氣中的有毒物質可減低30%，認真環保喎。

記者：鄭達基

■「部車個Look咁型，我哋都好鍾意。」

■3張座椅全是Recaro的出品，勝在好坐。

■駕駛席旁的屏幕，會跟隨駕駛者的心情而改變顏色。