天才發明家陳易希出名貪玩，喺噚日港台節目《香港家書》中，讀咗封畀「冠希表哥」嘅家書，唔少記者打電話畀佢，問嗰個冠希表哥係唔係即係藝人陳冠希，佢反問「你點知㗎」，跟住又話要晏啲先覆。講到似層層，但查實陳冠希原名叫興華，冠希只係藝名。易希之後坦白承認係同大家玩吓，而點解叫冠希表哥，係因為做錄音時，一時唔記得表哥叫乜希，於是工作人員就建議佢用冠希，佢又乘機玩吓喎。
講番封家書，內容提及佢獲得科大破格取錄、將要去美國加州理工大學加入一個研究計劃、細個時因成日拆開啲嘢而獲封「破壞王」、夢想係設計機械人等等，佢呢排因為太忙，早兩日終於捱病咗。
爆料熱線：29290000、27860099
報料傳真：26239278
報料電郵：[email protected]