在資訊充斥、娛樂發達的年代，小孩子長大得特別快，難免老積和早熟。楊諾思三子女就讀國際學校，她自己把關，希望將污染減到最低，保留小孩子的童真。
逢星期一至五，小朋友只准睇新聞、NationalGeographic及DiscoveryChannel，楊諾思說：「星期六、日可以任睇，佢哋鍾意睇西片、睇港產片《霍元甲》，始終都係細路仔。我哋屋企冇PSP、gameboy同汽水，做父母要做好榜樣，我12年冇追過電視劇，啲細路冇迷打機、電視劇，可以做啲更有益嘅事，大仔12歲，幾日就睇一本書，我覺得好好。」
愛看歌劇
外公楊受成是香港重磅娛樂公司老闆，專門製造偶像歌手，楊諾思的子女沒可能不受影響？她謂沒帶過子女看偶像演唱會，連英皇歌手都不例外，她說：「兩個仔唔係好認得啲明星，係個女會迷Twins，我只會帶佢哋去聽歌劇，好似《MammaMia！》、《歌聲魅影》。」
