焦玉不惜一切為兒子未來鋪路，是個重親情的人。現實中的蔡少芬，何嘗不是因為重親情，早年不停為母親償還債務，曾經受盡輿論壓力，所以如今每當記者問及她母親或家人時，她便會張開保護罩。
兄長分擔
「我喺呢行都過咗唔少日子，知道乜嘢叫做碰釘，呢方面我吸取過唔少經驗教訓，俾人跟，或者人哋講一啲攻擊我嘅嘢，幾多都可以孭得起，自己做得呢行就預咗，但我唔想影響屋企人，唔想佢哋俾任何人傷害，所以人哋問我屋企人嘅事，我只會講：『多謝大家關心。』」
宋族當家焦玉，是整個家族支柱，現實中的蔡少芬則慶幸有兄長跟她分擔。
「做子女當然會孭起子女責任，雖然供養父母，哥哥會養，自己又會養，但𠵱家嘅我一啲都唔覺得吃力。我唔係搵好多，但就好易滿足，我覺得自己成熟咗，識得處理經濟，呢件係值得感恩嘅事。」
