愛狗之人一般都視愛犬如己出，梁詠琪（GiGi）和宣萱就是當中好例子，前晚兩人到理工大學出席電影《再見！流浪犬》慈善首映，大談養狗心得。
愛犬老病交纏
當晚陳淑蘭、寇鴻萍及利嘉兒夫婦等均有出席，GiGi見到工作人員帶來的芝娃娃小狗後即愛不釋手，又抱又錫，弄得一身狗毛，她說：「我養咗狗十幾年，慣晒，有時出門口去做嘢，佢哋好曳咁抓爛我啲絲襪，等我出唔到門口。」
GiGi續說：「我仲有一隻老貓，好偏心佢㗎，有時我食嘢都會餵埋畀佢食。」
宣萱談到家中六隻老狗時說：「我有隻狗十二歲，腳骨關節有問題，嚟緊要做手術，仲有隻十三歲有腎衰竭，我好心痛，嚟緊成日出埠做嘢，會好心掛掛呢幾個命根。」她又謂狗隻年紀大，如果其中一隻去世，可能其餘的也會跟着離世，她說：「我未試過面對啲狗離世，我諗到時要做心理輔導，𠵱家都唔想領養新狗住，怕啲老狗唔開心。」
採訪：卓寶花 攝影：陳志嵐