關心妍簡約之鎖
「我一直都好鍾意買首飾，不過因為之前個image比較成熟，所以當時佩戴啲飾物會比較誇張或者女人啲。𠵱家就會選擇比較casual嘅款式，同埋我好鍾意閃令令嘅首飾，有時我會將唔同嘅鏈墜mixandmatch放埋一齊。」
容祖兒輕身多采
「呢條頸鏈我喺日本買，平時出席一般活動戴啲飾物都唔會太貴，而呢條就貪佢夠多嘢，而且仲好輕身，唔會戴到條頸好攰，加上好得意，又有水晶，真係好cute，戴咗之後襯啲casualwear亦都唔會話喧賓奪主，所以我一見到就即刻買咗。其實平時自己去行街都會親自揀飾物，因為着乜衫，自己最清楚。」
傅明憲大圈易襯
「呢對耳環我喺外國用咗三百幾蚊買，覺得好抵，因為個款好吸引，得意之餘又夠靚，而且𠵱家都好興啲大圈嘅耳環，因為好易襯衫，唔使成日要戴啲真金同鑽石，有時簡簡單單會仲靚，其實我冇話特別鍾意儲飾物，見啱就會買。」
廖碧兒百搭木鈪
「我成日都唔得閒行街，所以媽咪就成日幫我買嘢，佢仲愈嚟愈潮，買咗唔少飾物畀我。最近我就比較鍾意戴一啲誇張同木製嘅首飾，因為好易襯，呢日雖然着得比較斯文，但係戴呢個木鈪都可以，就算平時着便服都可以戴，又唔會覺得唔襯喎。」
採訪、攝影：駱華齡、李珮洳、王崇穎、胡苑君
