焦玉深諳保護自己之道，往往為求目的而不擇手段，蔡少芬笑言這方面跟焦玉完全相反。記得初出道的蔡少芬開百萬生日會，這事令其他藝人不以為然。
閉門狂哭
「以前嘅我，係個好想保護自己，但唔識保護自己嘅人。啱啱入行嗰陣，見有啲人做戲咁屎，心諗如果俾我做一定仲好過佢，以為自己好掂，但其實乜都唔得，又成日眼紅人哋有嘅嘢，但我唔識奉承巴結人哋去得益，相反，自己比較遲鈍，好似以前俾人杯葛過我，當時自己完全唔知。不過俾邊啲人杯葛就無謂多講，總之儍人有儍福，有人傷害都唔知，咁就唔會唔開心啦！」
作為女人，焦玉當然也有軟弱的時候，但礙於當家身份，人前人後仍得逞強，這方面，蔡少芬倒是很相似。
「做得呢行，每一個都逞強，好似今次一返香港，自己明明仲jetlag緊，但依然連影四、五輯相同做訪問。記得95年拍《白髮魔女》套劇嗰陣，嫲嫲過咗身，我匿埋洗手間喊，跟住返屋企嗰陣，一路揸車一路喊，加上當年我好保護自己，唔想俾人知道家事，但𠵱家會同弟兄姊妹傾訴，等佢哋分擔我嘅喜與憂，會搵人share。」