Twins喺台灣為國語專輯《八十塊環遊世界》展開密集式宣傳，佢兩個噚日喺西門町舉行簽唱會時，竟齊齊坐飛氈出場，驟眼望落去仲以為佢哋準備開壇作法，真係夠晒特別。 蔡卓妍（阿Sa右）同鍾欣桐（阿嬌）喺台灣都幾受歡迎，大班fans去到西門町支持偶像，送禮物之餘，唔少仲扮成不同國籍嘅人士出現，用嚟配合Twins嘅歌曲主題，真係好鬼抵錫。