舊年同王菀之傳出緋聞嘅張敬軒，早排接受馬來西亞傳媒訪問時，話好感激香港傳媒將佢同王菀之塑造成緋聞情侶，因為作為創作歌手，喺香港根本冇乜機會上到娛樂版。軒仔話雖然緋聞對創作歌手嚟講，始終會有一啲負面影響，但諗唔到呢單新聞出嚟之後，佢哋雙方嘅歌迷竟然打成一片，呢個都算係意外收穫咁話。