林雪在演藝生涯中，最滿意的作品是《PTU》及《鎗火》，兩部戲的角色都佔戲很重，他憑《鎗火》獲得香港金像獎最佳男配角提名，雖然落敗了，但林雪沒有因此而失望，他說：「其實有得提名已經唔錯，演呢部戲，又真係幾難忘同辛苦。」而演《PTU》的失槍警員，也為他帶來金紫荊獎最佳男配角。
在《PTU》中，林雪有一幕戲要在街跌穿頭，當晚單是拍此場戲，便NG了幾十次，林雪笑言：「呢場可以話係痛苦經歷，嗰晚拍一場要我撻喺青磚石地，撞穿個頭，我撻咗二、三十次，導演都唔收貨，成晚只係聽到杜Sir話：『唔得呀！再嚟！再嚟！再嚟！』我成晚就係咁撻，撻到散晒都未收得工，做戲咁耐，呢鋪最金。」