孩童時代，一直都係無綫電視的忠實Fan屎，直至到《幪面超人RX》我才開始轉睇亞視。最近應朋友邀請去睇了《幪面超人TheFirst》，當中有15分鐘時間我完全進入夢鄉，場口正是日本偶像組合WAT成員瑛士擔旗的部份。以戲論戲，特攝場面絕對比以往出色，兩位超人亦非常型仔，之不過大量幪面超人的經典場面卻全然欠奉！就連超人變身的指定動作都取消了，更不要期望有超人們的風車皮帶去利用風力驅動小型原子爐的變身場面。1號同２號超人絕對係幪面超人始祖，沒有他倆就一定沒有日後的幪面超人。其實《幪》絕對有歷史的重大意義，近日借回1號超人的錄影帶來看，雖然沒有大量特技，化妝品亦嚴重穿崩，但熱血感覺比起這套電影絕不能相提並論，就連「傑傑」聲的嘍囉們都變成防毒面具怪人，令Fan屎火都嚟埋，加上本鄉猛一啲都唔猛……好唔明點解要拍呢套電影，去摧毀超人多年辛苦建立嘅形象。