早前亞洲青年節舉行電影籌款，揀咗《變種特攻：兩極爭霸》做慈善優先場，當日連天主教香港教區主教陳日君樞機、湯漢輔理主教同陳志明副主教都有出席，為支持籌款活動，套戲內容講乜其實冇乜所謂，不過開場前卻出現尷尬場面。
事緣開場前戲院循例有新片預告，當日預告片係驚慄片《兇兆》，呢套戲重拍70年代同名電影，講述一名美國外交官不想令三度流產嘅妻子有沉重打擊，收養一個孤兒，但個細路5歲大時，卻有連串怪異事情發生，古仔聽落有啲恐怖，最巧合嘅係，預告片有個鏡頭係個神父被殺，在坐有唔少神父，出現個咁嘅鏡頭認真尷尬。
傳真︰2623-9278
電郵︰[email protected]