尹子維（右）平時出親街幾乎都有佢嘅Alive隊友同行，不過因為吳彥祖拍套《四大天王》，搞到滿城風雨，失晒誠信之後，佢哋好似醞釀拆夥，不過拆唔拆都好難講，事關佢哋講嘅嘢已經冇乜人信。前日凌晨一點半左右，尹子維單拖現身蘭桂坊，佢一支公行咗入便利店，係咁意揭下啲娛樂雜誌，然後匆匆忙忙咁截的士走人，唔通佢冇老友相伴，連去蒲吧識女仔嘅心情都冇埋？