律政司司長黃仁龍下個星期一會前往倫敦，訪問五日。今次係仁龍仔第一次以司長身份外訪，又係第一次訪英，當然有啲特殊意義。香港嘅司法制度始終源自英國，加上又係前宗主國，真係千絲萬縷。仁龍仔又係劍橋畢業生，今次真係衣錦還英啦。
不過，由於行程緊密，睇怕佢都冇時間返母校睇劍河倒影。仁龍仔將拜會英國檢察總長高仕文勛爵、憲制事務大臣范克林勛爵、外交事務委員會主席MikeGapes、前副首相賀維勛爵以及中國駐英國大使查培新。賀維近年好少露面，唔知兩人有乜嘢好傾。
見官之餘，佢亦會見埋英國律師會會長KevinMartin、大律師公會主席StephenHockman、法律委員會主席SirRogerToulson，以及香港中英工商協會委員會和國際事務研究所ChathamHouse嘅成員。
傳真︰2623-9278
電郵︰[email protected]