小記是老式人，話到明日記日記，當然是寫畀自己睇㗎啦。自從網上興埋啲乜Blog物Blog，事無大小吃飯拉屎都有網民極得閒將生活瑣事「鋪」上網，個人偏見是極度不感興趣，有空不如煲多套戲睇多本書好過。但聽親愛的老編講，其實茫茫Blog海中都有唔少禾稈冚珍珠的精警文章，所以萬萬不敢妄下斷語話Blog必無好嘢，點知今勻小記這個小欄目就要自打嘴巴將個人Snapshot呈上獻醜。鬼咩，上周紐約得見傳奇岩士唐，無可能唔千方百計呃呃𠱁𠱁拍照簽名留念，想來興奮之情比上次DVN來港猶有過之。相信下次有令小記如此忘形衝動的機會，唔使審梗係能夠親眼一見「馬字」啦，誇張啲講，死而無憾呀真係。