世界盃即將開鑼，李宇春會幫內地16間媒體寫專欄，據知佢今次收到20萬人民幣酬金，相當犀利。另一超女張靚穎就幫天津同河南等地嘅媒體寫稿，每篇大約500元。聽講最初李宇春嫌稿費少唔肯寫，因為佢做個騷就可賺約50萬人民幣，後來當16間傳媒將酬金加到20萬人民幣時，佢即刻應承。其實以16間傳媒，每間30篇稿計，李宇春每篇稿費只有400幾，計起嚟仲少過張靚穎喎。