胡杏兒為接拍劇集《肥田囍事》，在個多月內激增30磅，已達143磅，連上圍也暴升兩Cup。昨日杏兒勇敢地以白色吊帶貼身裙亮相，雖然肥腫難分，麒麟臂大肚腩相繼現形，但模樣亦十分可愛。
無綫劇集《肥田囍事》眾演員胡杏兒、胡諾言、許志安、李詩韻及秦煌等昨日齊集將軍澳電視廣播城為劇集試造型，杏兒在劇中飾演可愛肥妹仔，經過一個多月努力，成功增磅至143磅，身材圓潤，難怪昨日許志安抱起胡杏兒時倍感吃力，安仔又即時掀起衫袖，將手瓜起𦟌的臂彎跟杏兒的麒麟臂相比，而飾演另一肥仔的胡諾言則要裝假肚腩，體重有待增加。
為了證明杏兒的努力，無綫即時安排她上磅及量度腰圍和坐圍，結果體重143磅，腰圍34吋，坐圍40吋，迫爆身材嚇人一跳，杏兒要保持肥妹身形三個月，她說：「增肥辛苦過減肥，我好有信心日後可以減磅，我𠵱家照鏡覺得自己好S身材，上圍都升咗兩cup，從未試過咁肥，食完就瞓，好似大肚婆坐月，有時食到自己都覺得飽飽滯滯，早餐同消夜都會食公仔麵，增加卡路里，但我睇過醫生，身體狀況係健康。」
安仔肥瘦俱殺
安仔相隔10年再為無綫拍劇，便夥拍脹爆杏兒，他揚言：「抱過女性之中最肥最重係佢。」在角色中安仔初時戀上瘦削模特兒，後來會愛上肥妹仔，而湊巧安仔曾與激瘦鄭秀文和身形略胖的韓紅傳出緋聞，與角色不謀而合，問他現實喜歡偏瘦或偏肥女性時，安仔即緊繃面容說：「內在美緊要過一切，可以長青，我都會老啦，而且肥都有索，瘦都有唔靚，個人冇乜特別喜好，啱feel最緊要。」
採訪：卓寶花 攝影：仇志德
