側田雖然被爆地圖頭，不過憑一把靚聲依然留得住大班忠實Fans，近期主打歌《情永落》更加全城熱播，睇嚟年尾都預咗攞金曲獎。上星期，網上突然流傳一條《情永落》MV極度香艷地下版，睇到班Fans目瞪口呆，男女主角激烈床上戲露骨程度直逼四仔，鹹到出汁！你未夠18歲？在此講聲唔好意思，因為以下內容絕對兒童不宜。
記者、攝影：羅灝汶
第1位：側田《情永落》MV極度香艷地下流出版
http://www.youtube.com/watch?v=A7TTKsry78M&search=%E6%83%85%E6%B0%B8
側田唔知咁鹹
側田Sell歌唔Sell樣，差唔多個個MV都唔做真正主角，貫徹「我有我唱、佢有佢演」MV風格，今次都唔例外，唱片公司搵嚟曾經拍攝超過100首MV嘅大導演莊少榮負責《情永落》MV。莊少榮本想拍攝一個突破「性」MV，側田只需自唱，故事就搵Model做男女主角，內容講一個男生回想自己慘痛嘅失戀經歷，不過回憶親嘅都係情慾片段。MV拍攝完畢，側田完全唔知內容會咁兒童不宜，唱片公司睇過話太激，放唔到落卡拉OK播放。
導演重新剪輯
致電莊導演，佢得悉網上有《情永落》MV極度香艷地下流出版，表現得好驚愕：「我都唔知呢個成人版《情永落》MV點樣流出街，唱片公司嫌過激，老早要求我重新剪輯一個『兒童適宜』版。其實我一向都想拍另類MV，今次想嚟個大突破，點知街外人完全接受唔到。」講真，睇完成個MV都唔明白《情永落》曲詞與情慾場面有何關係，佢解釋：「我想表達一個男仔成日被人拋棄，不斷記番起熱戀時嘅情慾片段，既然可以咁親密，點解都要分手呢？其實佢連啲女朋友嘅樣都唔記得，只係記得起性慾。」嘩，我就聽唔明嘞，你呢？
第2位：巴士阿叔深情自白
大大個《壹週刊》Logo都夠膽死放埋上網，呢條片完全侵犯咗壹傳媒版權，你話我幫公司都係咁講！巴士阿叔真人訪問分開9段片掟上網，多人睇到隊冧YouTubeServer，勁！
（ http://www.youtube.com/watch?v=cJPo3_jx8IA&feature=Views&page=3&t=t&f=b）
第3位：賤爆阿叔反被偷拍
呢條片相信都好快會俾人Forward出去，個阿叔賤爆，當眾玩偷拍，最搞笑係用相機扮手機。點知黃雀在後，俾人偷拍番轉頭，香港好多鹹濕伯父，女生們小心呀。
（ http://www.youtube.com/watch?v=hXEeCgnIt8U&feature=Views&page=1&t=t&f=b）
網友喪鬧
網友有乜意見？90%話個MV太激，認為男女主角嘅情慾片段同首歌完全無關，有唔少網友認為會影衰側田，仲大鬧導演下流，明知唔出得街就唔好拍呢個版本。姑勿論今次誰是誰非，其實個MV已經引起唔少迴響，夠晒Noise，咁睇嘅話個MV好成功。
