無幾耐之前，記得報紙有賣過話寶馬車廠可能會停止生產MiniCooper，又會推出Wagon版本，真定假無人知，但早前就發現咗幾部唔同版本嘅MiniConceptCar，分別由不同國家設計師設計，大家嘅共通點都係以實用為主，有可以載滑雪工具，亦有可以放大量器材作賽車場充當臨時工作枱之用，但以女人角度出發，我都係鍾意呢架由日本設計嘅「MiniConceptToyko」，將成架車變成流動Cafe，去到邊飲到邊，得唔得閒飲番杯茶？
車身暗藏茶具
「MiniConceptToyko」係以1960年出產的「MiniTraveller」為藍圖，全車設計均以郊遊為主題，設計師巧妙地把Cafe的概念融入車中，他將小茶几、櫈仔、茶具等所有歎茶必備Items全部像變魔術般隱蔽地收藏在車內同車外，這個設計概念，可以讓乘客和司機可以一邊享受郊遊樂之餘，仲可以歎番杯靚茶，果然夠實際。
太空懸浮概念
除了以上特點外，這部概念車運用了充滿太空感的設計和物料，如鋁質物料、金屬顏色等作為車廂的主調，為了提升空間感，設計師採用簡單的線條來做座椅，還有那種像懸浮太空的感覺，令車廂空間感大增，同時又把車門加長，在沒有B柱的設計下，乘客就可以上落自如。
記者：黃婉冰
