陳苑淇昨日與名模Rosemary現身灣仔會展，出席「第43屆夏日婚紗及結婚用品展」，並擔任羅浮宮婚紗模特兒；蘇志威則偕同妻子劉小慧及七歲大的女兒蘇君蕎，以代言人身份出席婚紗攝影活動，吸引大批市民圍觀。
陳苑淇接受訪問時，談到前日凌晨被拍下與現年25歲、任職消防幫辦的Glenn夜蒲，並向對方投懷送抱的照片，對此陳苑淇大發嬌嗔說：「嗰晚我飲醉咗，佢送我返屋企啫，大家係朋友。」對於有指Glenn正是她與鄭融早前爭仔的目標人物，陳苑淇支吾以對謂：「我哋唔會爭仔。」
女兒首肯齊搵銀
至於蘇志威一家三口則在台上示範整蛋糕，大晒幸福。他表示早前獲邀擔任合家歡代言人，簽約前先徵求女兒同意，他說：「今次影全家福連屋企隻狗都出動埋，我都擔心個女怕醜唔慣面對鏡頭，所以要佢話OK先接。可能佢學校成日都有好多親子活動，佢一聽到一家人一齊影就話好喇！」
採訪：卓美娟 攝影：陳偉權
