銅鑼灣3個所謂新蒲點，分別是RedMall、黃金廣場同銅鑼灣廣場有冇行過？
雖然已經開咗一段日子，但上個星期去逛以上3個商場嘅時候依然唔覺有咩型舖進駐，講地理位置銅鑼灣絕對係極旺，但人流不合預期，點解仲可以Keep住旺舖嘅價位？搞到好多本來打算創業或開分店學做生意嘅後生仔縮手，最終撻訂，當然這個不是發展商可預計的，不過我諗更加無人諗到嘅，咁樣竟然害到我要買貴嘢！發生乜事？
以RedMall為例，位置唔算好差，不過就點谷都谷唔起，據小妹知道，有租咗舖嘅舖主見勢色唔對，立即撻訂走人，仲搬到旁邊一路好旺嘅地庫商場，哈，RedMall無人租，「地庫商場」反而因此加租噃，店主想繼續玩？一係承受加價壓力，正路連鎖反應係將貨品加價。話時話，其實呢個場都有幾多新嘅女裝舖進駐，價錢有啲仲係長沙灣水平，今期小妹嘅收穫就有呢對耳環。