內地年底重拍電視劇《紅樓夢》。根據內地網友嘅投票結果，大部份人最想李亞鵬飾演賈寶玉，周迅就扮演林黛玉。陳凱歌都話佢好有興趣拍呢套劇，但早前佢嗰部《無極》引起連串風波後，好多人都質疑佢有冇呢個資格。馮仁昭收到風，話總導演一職會由著名歷史劇《雍正王朝》嘅導演胡玫擔任，《紅》劇嘅投資者都證實咗陳凱歌一定冇份執導。
