澳洲麥格理基金MacquarieGlobalPropertyAdvisors（MGPA）嘅淺水灣道56號，全部53個複式豪宅，自04年拆售到𠵱家，只係賣剩1個；賣出嗰52伙，超過65%造價超過半億，平均呎價1.7萬，最大銀碼嗰間賣成9400萬，呎價最高2.3萬，以樓齡十幾年嘅翻新豪宅計，成績相當唔錯。
不過，剩低花咗600幾萬裝修嘅示範單位，以個盤嘅銷售速度同表現，冇理由賣唔出？聽區內代理講，麥格理揸住最後呢個單位，係希望刷新紀錄，賣到過億之餘，呎價超過兩萬五，成為53個複式單位中，最大銀碼同最高呎價嘅成交。所以之前有個客畀到1億，呎價過2.3萬都不為所動。
麥格理喺01年以15.8億向信和買入呢件貨（前稱御苑），經過翻新喺04年拆售，到𠵱家已套現30億，5年間升值近1倍。佢哋話會繼續物色有潛質嘅物業投資。