凍冰冰嘅雪糕都可以食到你噴火！
木田園嘅日本手拉雪糕出晒名，不過今次玩玩新意思，推出辣椒朱古力雪糕，用原隻指天椒絞碎混和雪糕，所以入口會食到少少辣椒碎，而且第一啖入口會食到濃濃的朱古力味，到喉嚨位置先感覺到辣味，夠頂癮。負責人話︰「由於用新鮮脫脂奶做材料，所以每100g只含0.6%脂肪。」低脂又健康。
除咗最新口味，仲會推出夏日限量版雪葩，有菠蘿、富士蘋果、荔枝、西瓜4種口味，用料同雪糕一樣新鮮，雪葩或者會比一般用雪糕粉的口感無咁好，不過勝在味道fresh夠天然，好似食緊真嘅生果一樣。
木田園(31882374)
地址：旺角彌敦道639號雅蘭中心地下G25舖
營業時間︰星期日至四12:00nn-10:30pm，星期五至六12:00nn-11:30pm
